មន្ត្រីរាជស៉ីវិល កងកម្លាំងប្រដាប់អាវុធគ្រប់ប្រភេទ និងមន្ត្រីស្ថាប័នតុលាការគេចមិនចាក់វ៉ាក់សាំងការពារជំងឺកូវីដ-១៩ នឹងត្រូវមានទណ្ឌកម្ម!

អនុក្រឹត្យថ្មីស្តីពីកាតព្វកិច្ចក្នុងការទទួលការចាក់វ៉ាក់សាំងការពារជំងឺកូវីដ-១៩ ដែលត្រូវបានរាជរដ្ឋាភិបាលកម្ពុជាដាក់ចេញឱ្យអនុវត្តភ្លាមៗ នៅថ្ងៃទី១១ ខែមេសា ឆ្នាំ២០២១នេះ គឺនឹងត្រូវធ្វើការដាក់ទណ្ឌកម្មខាងវិន័យដោយធ្វើការប្រមាន និងធ្វើការណែនាំដោយស្ថាប័នសាមីចំពោះបុគ្គលណាដែលគេចវេះមិនអនុវត្តកាតព្វកិច្ចទាក់ទងនឹងការទទួលការចាក់វ៉ាក់សាំងការពារជំងឺកូវីដ-១៩ និងតម្រូវឱ្យបុគ្គលនោះត្រូវអនុវត្តជាកាតព្វកិច្ច លើកលែងតែមូលហេតុសុខភាព និងដោយមានលិខិតបញ្ជាក់ពីមន្ត្រីសុខាភិបាលមានសមត្ថកិច្ច។

កាតព្វកិច្ចក្នុងការទទួលការចាក់វ៉ាក់សាំងការពារជំងឺកូវីដ-១៩ ត្រូវអនុវត្តចំពោះ៖
- មន្ត្រីរាជការសាធារណៈ និងកងកម្លាំងប្រដាប់អាវុធគ្រប់ប្រភេទ នៅក្នុងស្ថាប័ននីតិប្រតិបត្តិ
-ពលរដ្ឋទទួលអាណត្តិសាធារណៈដោយការបោះឆ្នោត និងមន្ត្រីរាជការសាធារណៈនៅក្នុងស្ថាប័ននីតិប្បញ្ញត្តិ និង
- ចៅក្រម ព្រះរាជអាជ្ញា និងមន្ត្រីរាជការសាធារណៈនៅក្នុងស្ថាប័នតុលាការ៕